تعبان من كل شي واي شي يضايقني
حتى النفس هذا فيني لعب جوله

كل شيئ غدا مني ما عدت انا مني
وامرايتي تسال هالوجه من هو له

واتبسم لوجهي واقول له غني
وخذني على فرحي او ديرةٍ حوله

و اعناد فِي (ضحكي) ماياصل لسنّي
وليا نوى ياصل تتعثر ارجوله

اصرخ كما الاخرس محدٍ سمع ونّي
في ليلةٍ ضلما والارض مبلوله

يا كم وقفت و طحت و قمت لكني
من وقفتي متعب والروح مشلوله

ماعدت انا اصغيّر ياصبر خوّنني
جرحي كبر حتى يمشي على طوله

راحن ثلاثيني غربه وخلّني
وغصن الحياة اثمر ماذقت محصوله

واللي على قلبه وافي على ظني
خان و علا ذنبه واعداي غنّو له

عكّازتي شعري شبّيتها ل جنّي
يومه دفا روّح ماشفت مرسوله

وأقول له طيّب كل من نشد عني
عل وعسى الطيّب بانشوف وش زوله