قال ارجع دام نور الحبّ شارق
قلت ليل الشوق جرد وخاف أكبّك

قلت ابحر قال في عينيك غارق
موت أحبّك قلت حظّه من يحبّك

انت حبّك مثل جمر البعد حارق
وباردٍ قلبي صرخ عندي مشبّك

ضاع عمري ممحلٍ ياغصن وارق
قال أنا بسْتانك وصافي مصبّك

قلت قلبي منكسر وين انت طارق
قال أنا قلبك و عنوانك وطبّك

قافل القلب وفتحته مثل سارق
والحكم تسجن بقلبي شرع ربّك

قلت انا بالغرب وانته بالمشارق
لو نخيت الريح ماجابته لبّك

انت حسنك فاز بالقاب وبيارق
للنّجوم اطّيح لو غيمه تذبّك

وين اشمّك وانت كل مافيك فارق
وين اضمّك وانت يلعب بي مهبّك

خاف أحبّك يوم والبعده تفارِق
واخسر افْوادي اذا قررت احبّك

قال اقحم مثل سهم الموت مارِق
لا يضيع العمر وايّامك تسبّك

مايجيك الغيث دامه عنْك بارق
وما يِرَد الغُوث خوّافٍ تلبّك